რუსთავი

საინფორმაციო სააგენტო “ინფო რუსთავის” ინფორმაციით, გვიან ღამით 35 წლამდე ქალი ფონიჭალა-რუსთავის გზატკეცილზე, სავარაუდოდ არაფხიზელ მდგომარეობაში მყოფმა სამმა მამაკაცმა ძალის გამოყენებით ავტომობილში ჩასვეს და რუსთავში, ცენტრალური პარკის მიმდებარედ, მდინარე მტკვრის სანაპიროზე სამშენებლო მასალის მოსაპოვებელ კარიერთან მიიყვანეს. შემთხვევის ადგილზე მისულ სამ მამაკაცს კიდევ ერთი პიროვნება შეუერთდა, რომელიც კარიერის დაცვის თანამშრომლად იყო დასაქმებული. ოთხივე მათგანი ახალგაზრდა ქალს ჯერ…

emigrantebi.ge -ი, ინფო რუსთავზე დაყრდნობით იუწყება, რომ რუსთავში ეკლესია გაქურდეს. გავრცელებული ინფორმაციით XII მიკრორაიონში, წმ. ნიკოლოზის ეკლესიიდან ძვირფასი ნივთები წაიღეს. არსებული ინფორმაციით ეკლესიაში 40 წლამდე მამაკაცი შევიდა და დაიმალა, დაელოდა სანამ დაკეტავდნენ და შემდეგ გამოვიდა. აიღო ხატებთან განთავსებული შემოწირულობები და ძვირფასი ნივთები, კარი შიგნიდან გააღო და ადგილიდან მიიმალა. რუსთავის პოლიციამ ბრალდებული მალევე დააკავა.

რუსთავის ერთ-ერთ კლინიკაში მიცვალებულები აერიათ. შეცდომას გარდაცვლილების ოჯახის წევრები მხოლოდ სახლში მიცვალებულების გადასვენების შემდეგ მიხვდნენ. კლინიკიდან ორი გარდაცვლილი ქალი სხვადასხვა მისამართებზე გადაასვენეს. გაუგებრობაში ჭირისუფლები კლინიკა “რუსთავს”, საავადმყოფოს მენეჯერები კი თავად ჭირისუფლებს ადანაშაულებენ. შეცდომას ადასტურებენ კლინიკა რუსთავშიც, თუმცა პასუხისმგებლობას ოჯახებს აკისრებენ, საავადმყოფოს იურისტი კურიერთან სატელეფონო ინტერვიუში ამბობს რომ ამოცნობა ჩატარდა და შეცდომა ოჯახის წევრებმა დაუშვეს. სამედიცინო…

რუსთავში სილიკონ-მარგანეცის ქარხანაში მუშა დაიღუპა. შემთხვევა 2 იანვარს მოხდა. მუშას წყლის გამაგრილებელ რეზერვუართან მუშაობისას ფეხი დაუცდა და რეზერვუარში ჩავარდა. ის ადგილზევე გარდაიცვალა. ცხედრის ამოსაყვანად მაშველებს 1 საათი დასჭირდათ. მომხდარზე გამოძიება სისხლის სამართლის კოდექსის 170 მუხლის მე-2 ნაწილით დაიწყო.

რუსთავში, დავით გარეჯის ქუჩაზე ხანძარია. ინფორმაციას ადგილობრივი საინფორმაციო სააგენტო “ინფო რუსთავი” ავრცელებს. როგორც თვითმხილველებმა საგენტოს განუცხადეს, თავდაპირველად აფეთქების ხმა გაიგეს, რის შემდეგაც დაინახეს საცხოვრებელი სახლიდან მომავალი კვამლი. მათივე ინფორმაციით, სახლში სარემონტო სამუშაოები მიმდინარეობს, თუმცა შემთხვევის დროს ბინაში არავინ არ იმყოფებოდა. ადგილზე მობილიზებულია სახანძრო-სამაშველო სამსახურის 3 ეკიპაჟი. ასევე პოლიციისა და სასწრაფო დახმარების ეკიპაჟები.

რუსთავის მერობის არჩევნებში გამარჯვება “ქართული ოცნების” კანდიდატმა ნინო ლაცაბიძემ მოიპოვა. მას ხმების 53.7% აქვს მიღებული. ცესკო-ს ცნობით, “ნაციონალური მოძრაობის” წარმომადგენელმა დავით კირკიტაძემ ხმების 46.2% მიიღო. რუსთავში არსებული ყველა 88 უბნიდან მონაცემები დათვლილია.

რუსთავში, საცხოვრებელი კორპუსის ლიფტის შახტაში ცეცხლი გაჩნდა. ადგილობრივი მედია ავრცელებს ინფორმაციას, რომლის მიხედვითაც ცეცხლის ლიკვიდირება მალევე მოხდა. ადგილზე მცირე დაკვამლიანება იყო. შემთხვევის ადგილზე სახანძრო-სამაშვლო და პოლიციის ეკიპაჟები იყო მობილიზებული.~ შემთხვევის შედეგად არავინ დაშავებულა.