2 მარტის ასტროლოგიური პროგნოზი

ვერძი
გაურკვევლობით და დაბნეულობით სავსე დღეა. თქვენი არც ახლობლებს ესმით და თავადაც გიჭირთ მოვლენებში გარკვევა. თუ გსურთ, ყველა სურვილი განსაკუთრებული ძალისხმევის გარეშე აგისრულდეთ, დინების საწინააღმდეგოდ არ იცუროთ.

კურო
სტაბილურ შემოსავალს მხოლოდ სტაბილური სამსახური უზრუნველყოფს, თანაც მხოლოდ შემოსავალს კი არა, კარიერულ ზრდასაც. შესაძლოა, გაცილებით მომგებიან პოზიციაზე აღმოჩნდეთ, რაც საშუალებას მოგცემთ, სოციალური სტატუსი გაიუმჯობესოთ. იშრომეთ და ეცადეთ, თქვენი საუკეთესო თვისებები გამოავლინოთ.

ტყუპები
ამ დღეს ორგვარი დატვირთვა აქვს: კარგი და ცუდი. დაავადება, რომელიც თავს იჩენს, ვერაგია და ცვალებადი სიმპტომატიკით გამოირჩევა. თქვენი სამომავლო გეგმები ჯერჯერობით ბუნდოვანია, ამიტომ შეგიძლიათ, დინებას მიჰყვეთ, მაგრამ ასეთი სიტუაცია დროში არ უნდა გაიწელოს.

კირჩხიბი
ძალების საჭირო მიმართულებით კონცენტრირებას ვერ ახერხებთ, ამიტომ შეიძლება თვის დასაწყისში საქმე შეფერხდეს და თქვენმა მცდელობამ შედეგი ვერ გამოიღოს. ეცადეთ, საკუთარი მიზნები და გეგმები სწორად ჩამოაყალიბოთ და შეეგუეთ იმ აზრს, რომ გამომუშავებული თანხის უმეტესი ნაწილის პარტნიორებისთვის განაწილება მოგიწევთ.

ლომი
ეს დღე წარმატებული იქნება ახალი სამსახურის მაძიებლებისთვის და მათთვის, ვინც გამოცდის ჩასაბარებლად ემზადება. წარმატება ელით სპორტსმენებს და პოლიტიკოსებს. მოსალოდნელია კოლეგებთან და თანაკურსელებთან ურთიერთობის გაუმჯობესება. ამჟამად ენერგიით სავსე ხართ, მაგრამ მოერიდეთ ისეთ საქმეს, რომელსაც სწრაფად ვერ დაასრულებთ.

ქალწული
ბევრი და დამღლელი მუშაობა გელით, მაგრამ თქვენი შრომა სათანადოდ დაფასდება. ზოგიერთ ქალწულს დახურულ სივრცეში ან აგრესიულ ადამიანთა შორის მოუწევს ყოფნა. წნევის ცვალებადობასა და ქრონიკულ დაღლილობას რომ თავი აარიდოთ, ეცადეთ, ცხოვრების რეჟიმი შეცვალოთ და ემოციები აკონტროლოთ, სუფთა ჰაერზე მეტი ისეირნოთ.

სასწორი
ვარსკვლავები სტაბილურ დღეს გიწინასწარმეტყველებენ. ექსტრემალურ სიტუაციებში სწრაფად რეაგირებას შეძლებთ. ეს დღე წარმატებულია, ასევე, დასაგეგმად – მშენებლობის ან ვაჭრობის სფეროში. მოაგვარეთ უცხოელ პარტნიორებთან კავშირები და უარი თქვით ავანტიურულ შეთავაზებებზე.

მორიელი
ამ დღეს, ერთი მხრივ, ენერგიის მოზღვავებას იგრძნობთ და საქმის შესრულების დაუოკებელი სურვილი გაგიჩნდებათ, ხოლო, მეორე მხრივ, იდეების განსახორციელებლად რესურსების ნაკლებობას ან პრაქტიკული შესაძლებლობების არარსებობას იგრძნობთ. სამსახურში საგანგებო მდგომარეობა შეგექმნებათ, თუმცა, ნუ დაიძაბებით და ერთდროულად რამდენიმე საქმეს ნუ მოეჭიდებით. იმოქმედეთ ერთი მიმართულებით.

მშვილდოსანი
ეს დღე თქვენთვის სტაბილურობასთან ასოცირდება, განსაკუთრებული ფულადი ხარჯის, წარუმატებლობისა და ცუდი ინფორმაციების მიღების გარეშე. შესაძლოა, აქციებიდან დივიდენდები მიიღოთ. როგორც კი ფული გაგიჩნდებათ, ნუ იჩქარებთ მის დახარჯვას, გადადეთ „შავი დღისთვის“, რათა თავი მშვიდად იგრძნოთ.

თხის რქა
ნელ-ნელა, მაგრამ თავდაჯერებულად იბრძოლებთ ბედნიერების მისაღებად. გახსენით თქვენი ყველა პოტენციალი და განახორციელეთ დასახული იდეები. იმისთვის, რომ იყოთ ბედნიერი, ადამიანებს სიხარული უნდა აჩუქოთ. ხოლო იმისთვის, რომ სიხარული აჩუქოთ, საჭიროა, ეს სიხარული თავად შეიგრძნოთ: განთავისუფლდით ყველანაირი წყენისგან, რადგან ბრაზიანი ადამიანი ვერანაირად ვერ შეძლებს სხვებისთვის სიხარულის მინიჭებას.

მერწყული
ამ დღეს ბევრს მოუტანთ სარგებელს. ძველ ნაცნობებთან კვლავ აღადგენთ კონტაქტებს. სამსახურში ცვლილებები გელოდებათ. ახალი შესაძლებლობები გაგეხსნებათ, რომლებიც თქვენი კარიერის განვითარებას შეუწყობს ხელს. დაკისრებული მოვალეობის შესასრულებლად უფრო მეტი მუშაობა დაგჭირდებათ, ამიტომ ვარსკვლავები გირჩევენ, დრო ტყუილად არ დახარჯოთ.

თევზები
არ გამოირიცხება, სწავლასთან დაკავშირებით პრობლემები შეგექმნათ, თანაც სერიოზული. შეეცადეთ, მაქსიმალურად მოინდომოთ, ძალები მოიკრიბოთ და, ვარსკვლავები გკარნახობენ, რომ დაკისრებულ მოვალეობას წარმატებით გაართმევთ თავს.