რომში აქციის მონაწილეებსა და პოლიციას შორის დაპირისპირება მოხდა
კოვიდ სერთიფიკატების მოწინააღმდეგეთა აქციის მონაწილეებსა და პოლიციას შორის დაპირისპირება მოხდა.
შეტაკებები ე.წ. მწვანე საშვების მოწინააღმდეგეთა და სამართალდამცველთა შორის რომის ერთ – ერთ ცენტრალურ მოედანზე დაფიქსირდა.
გავრცელებული ინფორმაციით, დაშავებულია აქციის ორი მონაწილე.
რომის ცენტრში კოვიდბარათების გასაპროტესტებლად 10 000-მდე ადამიანი შეიკრიბა. საპროტესტო აქციაში იტალიის ულტრამემარჯვენე პარტიის “ახალი ძალის” (“Forza nuova”) მომხრეებიც მონაწილეობდნენ.
დემონსტრანტებმა მჯდომარე პროტესტის შემდეგ გადაადგილება დაიწყეს და საგზაო მოძრაობა გადაკეტეს, რასაც პოლიციის მხრიდან რეაგირება მოჰყვა.