ზუგდიდში 37 წლის ვალერი ვარდანიას მკვლელობის მიზეზი, სავარაუდოდ პირადი კონფლიქტი გახდა, რომელიც ქალს უკავშირდება.

ბრალდებულ 22 წლის რუსტამ ფილიასთან ერთად, დაკავებულია ქალიც, რომელიც დაპირისპირების ფიგურანტად სახელდება.

ერთ-ერთი მეზობლის განცხადებით, მკვლელობის შემდეგ რუსამ ფილია დაკავებული ქალის სახლში მოწესრიდგდა. ამის შემდეგ კი ის ოკუპირებულ ტერიტორიაზე აპირებდა მიმალვას. გავრცელებული ინფორმაციით, ვარდანიასთან ანგარიშსწორების მიზნით ფილია სოხუმიდან შემოვიდა ზუგდიდში.

ამ დრომდე გრძელდება საგამოძიებო მოქმედებები. ნივთმტკიცებად ამოღებულია ცივი იარაღი და ტანსაცმელი.