საქართველოს მთავრობა ხელფასებისა და პენსიების შესახებ ინფორმაციას ავრცელებს.

ინფორმაციის თანახმად, 2021 წლის ბიუჯეტით, 2021 წლის იანვრიდან გათვალისწინებულია მასწავლებელთა ხელფასების ზრდა 100 ლარით.

სტატიის სრულიად წასაკითხად დააჭირეთ ქვემოთ მითითებულ ფოტოს

,,მასწავლებლების ხელფასების ზრდის პროცესი უწყვეტად მიმდინარეობს. 2021 წელს მასწავლებელთა ხელფასი 1030-დან – 2000 ლარამდე იქნება;

მაღალმთიან დასახლებებში მუდმივად მცხოვრებ მასწავლებლებზე გაიცემა დანამატი – საბაზო თანამდებობრივი სარგოს არანაკლებ 35%-ის ოდენობით;

2012 წლიდან დღემდე მასწავლებელთა საშუალო ხელფასი გაიზარდა 236%-ით

2020 წლიდან გაიზარდა სასწრაფო სამედიცინო პერსონალის და სოფლის ექიმების ანაზღაურება 100 ლარით.

COVID-19 თან ბრძოლაში ჩართული ყველა რგოლის პერსონალის ანაზღაურება გაიზარდა 50%-ით.

2020 წლიდან გაზრდილია ჯარისკაცების ხელფასები წოდების მიხედვით 100-დან 500 ლარამდე.

2020 წლიდან გაიზარდა პოლიციელების და მეხანძრე-მაშველთა ანაზღაურება 125 ლარით, გაორმაგდა მაშველი-მყვინთავების ანაზღაურება.

2021 წლის ბიუჯეტის მიხედვით, სხვა უწყებებში საჯარო მოხელეთა ხელფასები არ იზრდება”, – აღნიშნულია მთავრობის მიერ გავრცელებულ ინფორმაციაში.

ცნობისთვის, 2021 წლის იანვრიდან საქართველოში პენსია გაიზარდა.