იტალიის მინისტრთა საბჭოს თავმჯდომარე ჯუზეპე კონტე საქართველოს პრემიერ-მინისტრ გიორგი გახარიას საქართველოს მთავრობის მეთაურად ხელმეორედ დანიშვნას ულოცავს.

როგორც მისალოც წერილში ჯუზეპე კონტე აღნიშნავს, იტალია მტკიცედ უჭერს მხარს საქართველოში დემოკრატიული ინსტიტუტებისა და პლურალიზმის გაძლიერებას.

სტატიის სრულიად წასაკითხად დააჭირეთ ქვემოთ მითითებულ ფოტოს

„მსურს, პირადად ჩემი და იტალიელი ხალხის სახელით გულითადად მოგილოცოთ საქართველოს მთავრობის მეთაურად ხელმეორედ დანიშვნა. იტალია მტკიცედ უჭერს მხარს თქვენს ქვეყანაში დემოკრატიული ინსტიტუტებისა და პლურალიზმის გაძლიერებას ევროინტეგრაციის პროცესისკენ მიმართული ქმედითი სტანდარტების განმტკიცებისა და სტრუქტურული რეფორმების მეშვეობით. იტალია ადასტურებს საქართველოს სუვერენიტეტისა და ტერიტორიული მთლიანობისადმი მტკიცე მხარდაჭერას. გისურვებთ წარმატებებს თქვენი უფლებამოსილების შესრულებისას და გილოცავთ შობა-ახალ წელს“, – აღნიშნულია მისალოც წერილში.

ინფორმაციას პრემიერ-მინისტრის პრესსამსახური ავრცელებს.