გურჯაანის მუნიციპალიტეტის სოფელ ზეგაანში სამი ადამიანი დაჭრეს. სავარაუდოდ, ურთიერთშელაპარაკების ნიადაგზე კაცმა თანასოფლელებს ჭრილობები ცივი იარაღით მიაყენა.

აღსანიშნავია, რომ შემთხვევა კომენდანტის საათის დროს მოხდა.

სტატიის სრულიად წასაკითხად დააჭირეთ ქვემოთ მითითებულ ფოტოს

დაჭრილები სასწრაფო-სამედიცინო დახმარების ჯგუფმა გურჯაანის კლინიკა “ჯეო ჰოსპიტალსში” გადაიყვანა.

ექიმების ინფორმაციით, დაშავებულებს დაზიანებები გულ-მკერდისა და მუცლის არეში აქვთ მიყენებული, ორ მათგანს გადაუდებელი ოპერაცია უტარდება. მათი ჯანმრთელობის მდგომარეობა მძიმეა.

შემთხვევის ადგილზე სამართალდამცველები მუშაობენ.

როგორც Report.ge-ს შსს-ში განუცხადეს, საქმეზე გამოძიება სიხსლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.

პოლიციას დადგენილი აქვს დანაშაულის სავარაუდო ჩამდენი ერთი პირის ვინაობა და მიმდინარეობს საგამოძიებო ღონისძიებები.