ჰუბერტ ქნირშმა, გერმანიის ელჩმა ჯანდაცვის მინისტრთან შეხვედრაზე განაცხადა, რომგერმანია ლეგალურად დასაქმების პროექტს არ ახორციელებს ყველა ქვეყანასთან პირველად ეს პროექტი საქართველოდან დაიწყო. როგორც ელჩმა აღნიშნა, პროექტი გულისხმობს საქართველოს მოქალაქეების სეზონურად დასაქმებას გერმანიის სოფლის მეურნეობის სფეროში.

“მოხარული ვარ, რომ ვიწყებთ პროექტს, რომელიც ქართველების სეზონურად დასაქმებას გერმანიის სოფლის მეურნეობაში გულისხმობს. საინფორმაციო კამპანია უკვე იწყება, როგორც ინტერნეტში, ასევე საქართველოს შრომის სააგენტოს მეშვეობით.

სტატიის სრულიად წასაკითხად დააჭირეთ ქვემოთ მითითებულ ფოტოს

ეს არის ორწლიანი ინტენსიური მუშაობის შედეგი. ერთი მხრივ, საქართველოს შრომის სააგენტო და მინისტრი და მეორე მხრივ, გერმანიის დასაქმების სააგენტო აქტიურად იყვნენ ჩართული პროცესში. ეს არ არის გერმანიაში მიგრაციის პროექტი, არამედ ეს არის დროებითი სეზონური სამუშაო პროექტი გერმანიაში, რომელიც მაქსიმუმ 90 დღე გრძელდება.

ეს იქნება სამუშაო ადგილები გერმანიის სოფლის მეურნეობის დარგში. დარწმუნებული ვართ, რომ საქართველოში ძალიან ბევრი ადამიანია, რომელიც კარგად იცნობს ამ დარგს და შეეძლებათ, წვლილი შეიტანონ, როგორც გერმანიის სოფლის მეურნეობაში, ასევე ჩამოსვლის შემდგომ თავის ქვეყნის იმავე სფეროში.

გერმანია ამ პროექტს არ ახორციელებს ყველა ქვეყანასთან, ჩვენ ამას ვიწყებთ საქართველოდან და ვაკეთებთ პირველად ძალიან დიდი ხნის შემდგომ. პირველად ვიწვევთ სამუშაოდ ძალას სხვა ქვეყნიდან.

განსაკუთრებით მოხარული ვართ, რომ ჩვენ შევძელით ამის გაკეთება ამ რთულ გლობალურ პანდემიურ სიტუაციაში და განსაკუთრებით იმ რთულ სოციალურ პირობებში, რომელიც წარმოქმნა ამ პანდემიამ. მადლობა გაწეული შრომისთვის და მოუთმენლად ველო ამ პროექტის შედეგებს.” – განაცხადა ჰუბერტ ქნირშმა